《小傳日記》魚缸再跳水，內銀最當殃！

2008/08/13 17:48

　　《小傳日記》金融份子拖累花旗魚缸後退１％，亞洲區今日（１３日）順勢回吐，日韓魚缸
各滑２％同１％。香江場呢排都忽上忽落，今朝初段低位反覆，下晝奧運上演男雙三米彈板跳水
，個市就「係咁易」彈一彈，之後好快又再玩直插，一路係咁質落去，散場收２１２９３跌
３４７點或１﹒６％，成交維持有６９３億銀。

　　　　　　　　　　＊大象腳軟軟中移續受壓，１０１放榜湧高又急回＊

　　大象（００００５）再度提交申請收購人參國外換錢莊，另邊廂獲批增持越南
Ｔｅｃｈｃｏｍｂａｎｋ至兩成，個價則收低１％。大象腳軟，渣打（０２８８８）就更慘情，
唔見逾５％收市。本地錢莊亦大致走低，富邦（００６３６）上半年賺多一成半，個價挫３％。
　　中移動（００９４１）繼續滑坡一度去到９１蚊邊，終挫２％。據講祖國醞釀反壟斷法，可
能對佢領導地位有威脅咁話，但其他電訊份子亦唔見好景，聯通（００７６２）、網通
（００９０６）各滑４％，中電信（００７２８）亦挫２％，瑞士錢莊都話睇淡電訊份子放榜成
績。設備份子則朝氣勃勃，中通服（００５５２）、中興（００７６３）各漲２％。
　　地主們各自發展，恆隆（００１０１）全年賺１３２億銀，增長１倍，末期息亦增加到５１
仙，下晝開波一度彈得好，但可惜無以為繼，到Ｕ盤時段至再抬頭，收市略為踏前半巴仙。

　　　　　　　　　　＊新世界再碌港鐵漸上力，港所遜預期掟貨來出氣＊

　　恆隆話唔會聘用退休高官，而請?鬫麆h休高官?儱s世界（０００１７），個價真係叫救命，
今日一度碌近１３蚊邊，係０６年１１月以???儱s低。港鐵（０００６６）則漸漸上力，今日最
高衝上２６蚊樓上，收漲２％，公仔圖形成一浪高於一浪走勢，似乎有跟進價值。
　　港交所（００３８８）上半年賺３０億銀，增長２８％達唔到預期，皆因受第二季盈利倒退
所累，滑３％。
　　中電（００００２）繼續發揮避險角色，美人買意最強；煤氣（００００３）亦靠穩，唯獨
港燈（０００６）未能企穩５０蚊樓上，散場例跌２毛。唔做大隻佬?鴾K號仔反而有景，逆市升
２％。

　　　　　　　　　　＊Ａ仔眼定定國貨玩跳水，內銀似洗倉三保亦疲弱＊

　　深滬Ａ場轉為窄幅波動，兩市波幅唔夠半巴仙；國貨場則重傷，收１１１１１跌３３４點或
２﹒９％。
　　沽盤蔓延到「六行」，成班開始企唔穩，招行（０３９６８）買永隆（０００９６）交易期
限推遲到下月中，招行撻６％；瑞士佬降工行（０１３９８）評級到中性，挫半成；建行
（００９３９）肚瀉６％。
　　缸湖傳言祖國財政部打算修改會計準則，保險份子有關投連險收入可能唔再計算為保費收入
，據講壽險公司保費收入或因此大幅縮水，「三保」各滑２％至４％。
　　水泥份子仲未脫險，中建材（０３３２３）殺落６％；中材（０１８９３）、海螺
（００９１４）滑３％。
　　奧運正如火如荼，相關概念份子則被持續出貨，首機（００６９４）跳水７％。

　　　　　　　　　　＊高佬來寵幸８５７懶理，散貨船喘穩集裝仍閉翳＊

　　石油巨企今回稍為撐住個場，中海油（００８８３）被欺壓已久，今彈４％；高佬踢高中石
油（００８５７）Ｈ貨目標到１１蚊，但就降低中石化（００３８６）評級到中性，兩者只略軟
１％至２％。
　　乾散貨船仔開始喘定，中遠洋（０１９１９）彈６％；太航（０２３４３）揚３％；中海發
展（０１１３８）半年淨賺約３２億人仔，增長４４％，個價挫２％。集裝箱船仔則仍然水深火
熱，中集運（０２８６６）瀉７％。
　　股仔場漲跌互見，康健（０３８８６）轉主板後反而插水，撻一成半；聯邦制藥
（０３９３３）高台跳水，再插１１％。智庫（０８１７３）忽然彈跳，彈２１％。

　　　　　　　　　　　＊乒乓分組賽港隊報佳音，銅鑼灣港鐵推數碼廣告＊

　　奧運第五天賽事，國家隊今日暫增添４面金牌，令金牌數目增至１７面。今日增添?麊鰽P，
包括女團體操、男雙三米彈板跳水、女子２５米手槍同女子６９公斤舉重等，真係恭喜恭喜
。另邊廂，港隊於奧運乒乓球分組亦旗開得勝，男團３：１勝俄羅斯，女團則３：０擊退波蘭。
　　八?翵銗L料，港鐵（０００６６）?鷃囡r灣站推出數碼扶手電梯廣告牌。廣告由多個３２吋
高清液晶體顯示屏幕組成，播放動畫或流動影像，讓畫面在牆壁上流動。數碼廣告費較平面廣告
貴兩倍，而出年年初會?髍陝祗茪H流較高的月台平面廣告數碼化。咦，今日港鐵個價咁靚，唔通
同推出數碼廣告增加收入有關？請請！