《小傳日記》忘卻海嘯拾微笑，聖誕鐘聲更輕鬆

2008/12/24 17:01

　　《小傳日記》今晚（２４日）係平安夜，香江魚缸只有半日市，雖然交投唔多，但個市走勢
一?瓥ㄜ囓倣R，仲一度嚇親一眾好友同大象（００００５）粉絲添。大市早段低開３００多點
，失守１４０００點水平，主要因個別大大隻佬?鬖郊哈蓐L時段被「嘜低」所致。及後大市回穩
並重越１４０００點關，中午前仲一度倒升，散場時跌３６點報１４１８４，由於半日市成交縮
水至１８３億銀。
　　　　　　　　　＊盤前急嘜低盤後卻夾高，好淡兩爭持大象陀陀擰＊
　　近排兩位大大隻佬表現強差人意，大象在早市Ｕ盤時段再被「嘜低」，低見７２﹒４銀，創
近五年新低後，真係睇到一眾粉絲心都寒。及至收市Ｕ盤時段，大象又被夾高，散場回升兩毛。
至於中移（００９４１）同於早市Ｕ盤時段被質低，雖然一度回升，可惜最終仍挫１％。查實經
過近排調整後，大象同中移股價「更親密」，大家都係七十多銀，寄望在聖誕過後，呢兩位大大
隻佬一齊「拍住上」，為魚缸打打氣啦。
　　魚缸低位反撲，地主佬實在功不可沒，超人（００００１）同大好友（０００８３）分別搶
高逾２％同半成；但四叔（０００１２）申請於元朗建洋房，對股價支持不大，撻２％。
　　睇番隻中信泰富（００２６７），媽咪北京中信拋出的「救助方案」終獲股東們通過，換句
話說，北京中信將持有泰富逾五成股權，無疑令媽咪地位更加鞏固；而且媽咪表明會整合資源協
助泰富發展，有媽咪無限量支持，難怪泰富咁風騷，今朝低開後好快倒升，最終彈高３％。
　　　　　　　　　＊Ａ仔再走低國貨算穩陣，上石化盈警粉絲即離棄＊
　　祖國魚缸昨天失守重要關口後，今日繼續向下走，Ａ股搞成咁中字派當然冇心機，但經噚日
大跌後今日跌幅相對溫和，國貨散場時只跌３４點報７６８５。
　　油魔弱勢畢現，噚晚再挫兩巴仙，但對油股們似乎影響不大。中海油（００８８３）縱使有
傳聞指其海上開採１０月份起將首次「見紅」，但隻股與大市一樣，低開後縮窄跌幅，最終走低
４仙。至於中石化（００３８６）一系亦紛紛走軟，上石化（００３３８）發「盈警」，股價即
瀉近７％失兩蚊關，而同系儀征（０１０３３）同媽咪中石化亦回落，各挫２％同３％。
　　阿爺減息減得少，但影響似乎正逐步被消化，今朝一眾祖國磚頭繼續走下坡，但發改委就指
要避免樓價急跌，磚頭股亦借勢回勇，如雅居樂（０３３８３）低開７巴仙後回勇，最終無起跌
；而瑞房（００２７２）更先跌後反升近２巴仙。
　　　　　　　　　＊鐵鳥炒合併東航升得誇，牛牛發盈警先低後搶上＊
　　睇番「六行」，近期表現亦麻麻地，美銀表示早排暫緩出售建行（００９３９）股份非因政
治考慮，仲話即使出售股份，仍然會持有顯著比重。?鵅I咁咪即係仲有意思出售？建行今天即走
低１％。而招行（０３９６８）同交行（０３３２８）亦見回吐，各跌逾２％同兩仙。
　　早陣子祖國鐵鳥族已傳出，東航（００６７０）有意與上航整合，及後該傳聞不了了之，近
日呢單傳聞又再次落鑊，據悉兩航對整合一事已作出積極表態，雖然暫時只聞樓梯響，但已足以
刺激東航起飛，Ａ股個邊升停板，Ｈ股亦飛高１１％。同業併購憧憬帶領南航（０１０５５）同
國航（００７５３）分別炒高４％同１％。
　　個別股仔方面，牛牛（０２３１９）就唔爭氣發「盈警」，搞到今朝個價一早就低開８巴仙
，後尾有指競爭者之一的三鹿或需破產，隻牛牛即回勇，不單止倒升，仲一度收復１０蚊關口添
，散場時踢高４％。
　　　　　　　　　　＊團團與圓圓胃口皆不俗，周六六合彩頭獎６２球＊
　　八?翵銗L料，台北朝早為熊貓「團團」同「圓圓」舉行歡迎儀式，內地代表團團長趙學敏，
向台北市長郝龍斌，贈送一對大熊貓?儱茪蠾P基因檔案，象徵交接正式完成。
　　「團團」「圓圓」噚日抵達台北市動物園之後，表現得好活潑，唔夠半小時已開始食竹葉。
佢?]凌晨３點先至入睡，今朝７點就醒?驉A至今適應良好，胃口不俗。
　　台北市動物園?嚘翕萺]耗資超過２億新台幣，經過一個月檢疫隔離，預料「團團」「圓圓」
可以?鰬K節期間，同台灣公眾見面。
　　六合彩聖誕金多寶噚晚攪珠，無人中頭獎，超過４１００萬多寶將撥入下期，即係星期六
（２７日）攪珠。頭獎若然一注獨得，派成６２００萬，係歷?螻臚G最高六合彩。星期六，
９：１５ｐｍ截飛，９：３０ｐｍ攪珠。
　　香江天氣凍?髐@日，就好似個市咁有小小回暖。天文台今朝取消寒冷天氣警告，到下晝，氣
溫已回升上２０度以上，天文台預計，聖誕日部分時間有陽光，氣溫１６至２０度。
　　佳節當前，暫且拋開市升市跌。Ｍｅｒｒｙ　Ｘ’ｍａｓ！假期愉快！請請！