《小傳日記》 大行你踩我又踩，大象尋底再尋底！

大行你踩我又踩，大象尋底再尋底！
　　《小傳日記》天文台今朝（１６日）９：４５ａｍ取消寒冷天氣警告，香江魚缸亦暫別冷鋒
，跟隨外圍喘穩。不過，重磅大象（００００５）就繼續唔多妥。繼大摩睇５２蚊後，隻象再次
被大行「眷顧」，高佬睇目標睇得仲低，得４９蚊，搞到香江魚缸亦無法突圍。大市今天呈好淡
爭持，雖然一度抽升１８０點，可惜被大象拖住後腳，結果只升１２點報１３２５５，成交有
４７１億銀。


　　　　　　　　　　＊大摩未夠喉高佬來合奏，大行屠象記粉絲也投降＊


　　大象被摩笛「突襲」後，縱使跌至１０年新低後仍未能喘定，俗語有云「一不離二」，大行
要「質」隻大象，又點會只有大摩頭出招呢？今朝高佬就踩多腳，唔單止將大象加入「確信沽售
」名單內，而且仲大削Ｔａｒｇｅｔ至４９銀。大摩頭同高佬聯手大合唱，搞到隻象繼續尋底，
在ＡＤＲ更曾跌至６０銀邊位，隻象今低開後曾見６３﹒５銀，散場時撻３％。
　　大象冇運行，小象（０００１１）亦冇乜心機，今朝高開後一度插穿９０銀，吹雞時軟１％
。至於其餘本地錢莊就靠穩，寶哥哥（０００２３）撇低象族，獨個兒走前近６％。
　　電訊分子今日各走各，中移（００９４１）再失７０銀，最終挫２％；而聯通（００７６２
）就走高逾２％。其他大隻佬亦然，大美人（００３３０）去年中期成績表被專家睇淡，但隻股
今日未受影響，照升７％破４０銀。


　　　　　　　　　　＊深滬齊向好國貨不示弱，阿爺來眷顧內銀好風騷＊


　　深滬魚缸向好，全因金融股發力所致，滬Ａ噚日守穩２０００點後再下一城，帶動中字派走
俏，國貨今日抽上１０４點報７１４７。
　　有人辭官歸故里，有人溜夜趕科場，有傳蘇皇（ＲＢＳ）批售?中行（０３９８８）股份，
有逾三成獲內地最大私募基金厚朴接收，呢隻基金由「第一代中國本土投資銀行家」方風雷掌舵
；再加埋中投話一直有增持中行、工行（０１３９８）同建行（００９３９）股份，仲話會密切
注意售賣行為。有強者出手力撐，中行即飆前近半成；其餘「五行」亦全線撻著，當中以招行
（０３９６８）同建行走勢最凌厲，分別抽升３％同近４％。
　　花旗經濟數據一個比一個差，就連一直支持油魔?油組（ＯＰＥＣ）亦降低今年原油需求預
測，可見油魔前景認真唔樂觀，油魔噚晚再退半成。中海油（００８８３）走低近２％，但主力
煉油的中石化（００３８６）就向前衝，行前２％。


　　　　　　　　　　＊周末多憧憬磚頭有效應，股仔甚波動新丁各走各＊


　　有研究指，祖國今年磚頭供應充裕，磚頭價格仍有下調壓力，但一眾磚頭股就好少理，在憧
憬祖國「周末救市效應」下，齊齊舞高，中海外（００６８８）、華潤置地（０１１０９）同富
力（０２７７７）分別炒高４％至７％不等。
　　個市吽吽地，但股仔就冇靜落?，開源（０１２１５）以溢價１０倍購鋼鐵業務，有意轉型
再加上超高溢價配股，刺激股價在復賽後一度狂飆７成，可惜後勁不繼，最終升幅收窄至１４％
。至於中國星（００３２６）早前公布要一供二，而且供股後再送三股，今日就係供股除權日，
隻股大幅波動，早市曾抽升６７％，惟未幾即倒跌，最終低收８％。
　　０９年初有兩隻新丁無懼淡市上場，興業太陽能（００７５０）環保概念吃香，今朝延續強
勢再創新高１﹒５４銀，可惜引來獲利沽盤，隻股最終倒插８％。至於海峽石化（００８５２）
就靠穩，最終彈高半成。


　　　　　　　　　　＊財爺勉學生創意新思維，奧巴馬就職華裔童獻唱＊


　　財爺將會?下月２５號公布新一份財政預算案，近排頻頻?ＴＶ賣廣告叫大家畀多?意見。
今朝，財爺更去到大埔一間中學，同學生真情對話，順道為預算案「收收風」。財爺向學生介紹
今年政府特別推出預算案諮詢漫畫書，仲透露佢?外國讀書時已好鍾意睇漫畫，亦好欣賞日本一
?漫畫創作。佢希望年青人亦可畀多?意見，亦鼓勵年輕人要有創意同新思維。
　　美國候任總統奧巴馬，將於下周二（２０日）宣誓就職，三藩市男童同女童合唱團，將?典
禮上演唱，當中包括一名華裔男童王孜立。能夠見到新總統，又能夠同世界級音樂家馬友友及帕
爾同台演出，只係得１２歲王孜立話好開心。佢話如果能夠同奧巴馬接觸，會索取簽名，仲會同
佢講期望讓美國變得更美好喎。假期愉快！請請！