《小傳日記》淡友玩失蹤，個市好輕鬆；港所威番轉，中字繼續衝！

2008/07/11 17:41

　　《小傳日記》伊朗連續兩日試射導彈，油魔再發力逼近１４２美元。聯儲局阿伯話會集中穩
定金融系統；而花旗魚缸無有怕，道指行高８１點。亞洲區今日（１１日）大致企穩，人參國同
寶島魚缸浮起２％，祖國場卻仲係腳軟。香江場初段無大動靜極之牛皮，但去到中午好友忽然搶
攻，?鬗丹r派推動下，衝破埋兩萬二關，下晝保持高位埋單，收２２１８４漲３６２點，升幅
１﹒７％，成交有７００億銀。

　　　　　　　　　　＊大象小踏前恆地逆市跌，唉瘋熱方興和黃升呀升＊

　　大象（００００５）行行企企終略收高；另一大隻佬中移動（００９４１）推起成個場，佢
同諾基亞西門子網絡簽約擴容，工程價值５億半歐元，勁揚３％；至於其他中字電訊份子亦一齊
爬起，各漲２％至３％。
　　蘋果電腦出新一代ｉＰｈｏｎｅ，和黃（０００１３）３Ｇ業務可能有刺激，又有傳話賣意
大利３Ｇ畀埃及富商，但佢已出來否認，個價今日好好力，彈４％；一號仔（００００１）也被
撐起，超人同細摩先後出來買貨，個價今先低後倒升１％。
　　地主們表現各異，港鐵（０００６６）上半年賣樓收入合計２１６億銀，個價漲半巴仙；新
地（０００１６）尾段掃起，彈３％；但四叔隻恆地（０００１２）呢排甚弱，今逆流挫１％。
　　港交所（００３８８）無畀大摩睇死，於１００蚊之前彈返起身，今揚半成，已經連漲第三
日。缸邊友見隻３８８?鬗T日之間升番一成有多，又周圍搵理由，有缸友就斷估話係預炒直通車
喎。
　　富士康（０２０３８）於今次跌浪中重傷，趁今日魚缸回暖，勁彈一成至肯收科。

　　　　　　　　　　＊Ａ仔仍疲弱國貨好鬥志，建行也盈喜街坊來慶賀＊

　　深滬Ａ場維持軟弱，兩市續滑１％；國貨場卻燃起鬥志，散場收１２３０６再漲２５３點，
升幅２﹒１％。
　　建行（００９３９）加入盈喜派對，預告上半年增長過５成，但缸友早已廣泛預期，個價刺
激唔算太大，揚２％；其餘「五行」各漲１％至２％。「三保」為國貨場升勢出一分力，各揚
２％至３％。
　　油魔借力國際局勢動盪保持凶猛，但祖國油企反應唔多大，中海油（００８８３）同中石油
（００８５７）進帳１％；中石化（００３８６）則逆流軟半巴仙。
　　鐵鳥們又試受到油魔脅逼，南航（０１０５５）被高佬話營運數據麻麻，Ｈ貨目標價慘被削
至３﹒３蚊，挫１％；國航（００７５３）撻２％；東航（００６７０）則臨尾造高，倒升２％
；至於國泰（００２９３）諗計對抗油魔，調高某些頭等同商務線票價３％至１５％，一於將壓
力轉嫁畀客仔，個價略收高。

　　　　　　　　　　＊油魔來脅逼鐵鳥要低飛，高佬忽唱淡內房好少理＊

　　中鋁（０２６００）聯同祖國２０家冶鋁商，今個月齊齊減產半成到一成，搞到鋁價係咁?A
高，自己亦水漲船高，彈６％；個別金屬份子亦急步起跑，湖南有色（０２６２６）?A７％。
　　高佬續唱淡內房份子話應趁反彈出貨，但成班祖國地主仍然得力，細摩上個禮拜用１億半銀
掃中海外（００６８８），今開聲讚佢９成收入已鎖定，個價揚半成；富力（０２７７７）、雅
居樂（０３３８３）揚６％；潤置（０１１０９）、世房（００８１３）、遠洋（０３３７７）
攀高４％。
　　「基建三雄」努力攀爬收復之前失地，中交（０１８００）漲４％；中鐵（００３９０）見
芬佬分別趁低撈貨，揚３％；鐵建（０１１８６）珠三角軌道交通工程獲批，線網總長度
２０００公里，略漲１％。
　　一拖（０００３８）近期瘋狂插水後，由５蚊樓上撻到落１﹒５蚊邊至喘定，今彈９％。

　　　　　　　　　　＊基建力攀爬一拖似否極，天溢果然甜股仔場熱鬧＊

　　新丁天溢果業（００７５６）噚日（１０日）爆冷高收１１％後，今日更光芒四射，一度衝
破１蚊大關，終大漲三成三，呢杯果汁認真甜。缸友話佢作為果汁份子有自己果園，農業概念令
佢有一定捧場客。半新丁重慶機電（０２７２２）亦回勇，彈８％。
　　股仔場亦見熱鬧場面，易盈（０８２９９）被彤叔看中入股，如果計埋行使窩輪可以增持到
約一成，個名亦將會改做「大唐潼金控股」，缸友期望有一番新氣象，今揚半成。勞氏
（００３０９）、第一視頻（０００８２）、中礦（００３４０）尋底完成玩追落後，分別炒高
１２％至兩成。另外，環球工程（０８１９２）見鑊鏟友聚集，連日炒高後，再掃起１７％。


　　　　　　　　　　＊天馬神駿展文物皆珍品，肥馬別官場先調理身體＊

　　八月奧運，舉世矚目。北京市當局希望有５００萬名市民，可以在奧運時用簡單英語同遊客
溝通。現時北京有好多民間組織同機構，舉辦奧運英語培訓課程，部分與海外的商業機構合作。
　　?鰣輕銦A歷史博物館舉辦「天馬神駿」專題展覽，以配合奧運馬術?嬼|行，展出６０多件同
馬有關的文物珍品，其中一半被列為國家一級文物。
　　今次展覽由歷史博物館同中國文化交流中心合辦，展品來自１４個省，以及２８個文博單位
，包括秦朝?鵀w馬騎士俑，同元朝?鼢藍瘥葭P等。
　　另邊廂，中銀香港?鬗U周三（１６日），發行４００萬張奧運紀念港幣２０蚊鈔票。鈔票正
面印有希臘奧運發源地遺址及北京奧運會徽，背面有國家體育場鳥巢?鴷~貌。紀念鈔票一張售
１３８元，一套四連張售３３８元，３５連張售１３８８元，收益將撥作慈善及支持運動發展。
　　八?翵銗L料，今日係馬局長最後一日返工。佢話，過去六年能夠服務香港市民，係一生?嚘a
幸，又多謝市民關心。為?鱁楛d問題而要離開工作崗位，係經過好多掙扎同考慮。
　　唔做高官，馬局長話首先要調理好身體，然後會再?魒銗L崗位服務市民。小傳都祝福「肥馬
」減肥成功，身體健康。假期愉快，請請！